Votë për ndryshimin e ligjit për dhomat e specializuara nuk patën.
Prandaj, ky veprim ka sjellë një përçarje të re brenda Lidhjes Demokratike të Kosovës.
Disa prej anëtarëve të partisë njoftuan publikisht për dorëheqjen.
Ndër ta, edhe kryetari i degës së LDK-së në Obiliq, Xhafer Gashi.
Bashkë me Gashin nga LDK dhanë dorëheqje edhe anëtarë të tjerë të degës së Obiliqit.
Ndër ta, edhe asamblisti, Labinot Mirena.
“Dorëheqja ka ardhur pas qëndrimit të LDK-së që e ka pas për gjykatën Speciale edhe krerët e UÇK-së. Unë personalisht kam një mendim krejt ndryshe UCK-ja është e popullit edhe ata që janë në Hagë janë për që e kanë çliruar vendin edhe unë nuk kam mundur të jem në një parti, me vazhdu me qenë me LDK-në kur ata janë kundër popullit dhe UCK-së”, tha ai.
Sikurse Mirena, dorëheqjen nga partia tashmë e kanë dorëzuar edhe asamblistë të tjerë.
“Unë nuk kam dëshirë më i diskutua reagime e tyre meqenëse tash nuk i përkas LDK-së unë për momentin jam në asamble komunale dhe do të vazhdojë më i përfaqësua gjithë qytetarët e Obiliqit si i pavarur këtu. Gjithsej LDK-ja i ka pasur 9 asambleista në Obiliq, dorëheqje kanë dhënë 8 prej tyre, njëri nuk ka dhënë ende”, shprehet ai.
Të hënë LDK reagoi rreth mospjesëmarrjes në votim, duke thënë se nuk e mashtrojmë popullin me iniciativa që nuk prodhojnë efektin juridik që u premtohet qytetarëve. Sipas tyre, Çështje kaq të ndjeshme kërkojnë seriozitet juridik dhe koordinim me aleatët.
