Është dora që përkundi heronjtë.E para saj edhe djepi tradicional shqiptar.
Bëhet fjalë për Zahide Jasharin nga Llausha e Skenderajt.
Në këtë formë të mërkurën, përmes shtatores, nëna që rriti Adem e Hamëz Jasharin, u rikthye përjetësisht në vendlindje.
Kjo e fundit, u vendos në oborrin e institucionit parashkollor “Nënë Zahidja” në Skenderaj.
E skulptori që e punoi këtë shtatore, tregon se si erdhi deri tek ideja.
“Unë kam pasur një ftesë prej kryetarit të komunës, Fadil Nura, që të takohemi dhe të diskutojmë për një ide. Fillestare ideja ka qenë të bëhet një bust këtu pranë çerdhes që mban emrin e nënës Zahide dhe gjatë muhabetit e sipër, jemi dakorduar që të bëhet nëna Zahide duke e përkundur djepin”, ka thënë Behramaj, skulptor.
Sipas Behramajt, punimet zgjatën afër 3 muaj.
Ndërsa u përkryen, më 18 qershor në Ditën e Çlirimit të Skenderajt.
“Historikisht dihet që nëna Zahide është një nënë e madhe, një nënë që ka lind heronj, trima, i ka përkund dhe ata njerëz më atë edukatë e kanë ndërruar historinë e Kosovës, kjo është simbolika e djepit. 2:20 Nuk është menduar ndonjë person i caktuar (fëmija në djep), nëna Zahide ka rritur shumë fëmijë e mbesa dhe në mënyrë simbolike kemi dashur ta paraqesim këtë”, ka thënë tutje Behramaj.
Këtë shtatore, e mirëpritën qytetarët e Skenderajt.
“Po të ishte edhe busti i nënës time, ma mirë nuk do ta kisha prit. E përgëzoj Komunën e Skenderajt, por është dashur ende me herët”, ka thënë Hoti ish ushtari i UÇK-së.
“Normal që e kemi pritur mirë, është dashur edhe me herët. Ajo është e shenjtë, ajo familje është e shenjtë. Patjetër që duhet të respektohen”, është shprehur një mërgimtar.
“Pak e vonuar kisha thënë, por më rëndësi tash është. Normal që kur ka gjëra të mira, të bën krenar”, është shprehur qytetari nga Skenderaj.
Ndryshe, pak metra më tutje, ndodhet edhe sheshi që mban emrin e të birit të Zahide Jasharit.
Në të është vendosur edhe shtatorja e komandantit legjendar, Adem Jasharit.
