Ka filluar ndërtimi i katër shtëpive të dëmtuara nga vërshimet në Skenderaj të cilat kishin ndodhur në fillim të këtij viti, raporton teve1.info
Lajmin për ndërtimin e këtyre shtëpive e ka bërë kryetari i Skenderajrt, Fadil Nura, i cili tha se ndërtimin nga fillimi të këtyre shtëpive po e bënë Shoqata “Jetimat e Ballkanit” dhe Fondacioni “Behgjet Pacolli”.
Përmes një statusi në Facebook, Nura tha se fillimisht ka nisur ndërtimi i katër shtëpive.
“Për hajr shtëpitë e reja! 🤝
Me gëzim nisi dita e sotme për familjet e goditura nga vërshimet, të Isak Smajlit – Kuçicë, Jetullah e Avdullah Imerit – Tushilë, Xhafer Zyhranit – Llaushë dhe Isuf Gjokajt – Skenderaj, ku bashkë me humanistin Halil Kastrati dhe Selim Pacollin dërguam lajmin më të mirë pas fatkeqësisë, për ndërtimin e shtëpive të reja nga fillimi, falë Shoqatës “Jetimat e Ballkanit” dhe Fondacionit “Behgjet Pacolli””, ka shkruar Nura në Facebook.
