Ambasadori i Shteteve të Bashkuara të Amerikës Jeffrey Hovenier, është shprehur i kënaqur që në emër të ShBA-së ka dhuruar një skaner CT për Klinikën e Radiologjisë.
Ai ka thënë se ky skaner të përmirësojë kujdesin e ofruar për qytetarët.
“Kënaqësi të dhuroj në emër të ShBA-së një skaner të CT për Shërbimin Klinik Spitalor dhe Universitar të Kosovës me mbështetjen e Komandës Evropiane të SHBA-së (EUCOM) . Ky skaner i ri do të përmirësojë kujdesin e ofruar për të gjithë qytetarët e Kosovës, një komb i shëndetshëm është një komb i fortë”, ka thënë Hovenier në deklaratën që ka shpërndarë ambasada amerikane.
Ministri i Shëndetësisë, Arben Vitia këtë ditë e ka vlerësuar të rëndësishme për shëndetësinë në vend dhe shtoi se pacientët do të marrin shërbime të sigurta përmes teknologjisë më të avancuar në fushën e radiologjisë./teve1.info/
