Asambliste e Vetëvendosjes në Mitrovicën e Veriut, Aida Doli ka thënë se vendimi për hapjen e Urës së Ibrit është marrë që nga vitit 2015 në dialog me qeverisjet e kaluara.
Në një intervistë në emisionin “Ditari” në Tëvë1, ajo tha se në prill të vitit të kaluar ka bërë një kërkesë për lirimin e urës për mjetet motorike, e cila sipas saj, ka qenë iniciativë dhe është përkrah me shumicë votash nga kuvendi komunal.
“Në prill të vitit të kaluar me kërkesën tonë pra është bërë një propozim për lirimin e urës për mjete motorike iniciativë e cila është përkrah me shumicë votash në kuvendin komunal, sot në kuvendin komunal se çka ka ndodhë është diskutuar kjo çështje, në diskutimet tona që i kemi pasur kuvendi komunal në Mitrovicën e Veriut të gjithë asamblistët, shumica e tyre i qëndrojnë mbrapa këtij vendimi që e kemi marrë në prill të vitit të kaluar”, ka thënë ajo.
Derisa, asamblistja ka theksuar se kërkesa të shumta ka pasur nga etnia serbe për lirimin e urës, për shkak se siç tha ajo, ua lehtëson lirimin e lëvizjes.
“Duke pasur parasysh që kemi pyetje nga qytetarët se kur do të hapet, për shkak se ua lehtëson shumë jetën qytetarëve që jetojnë në Mitrovicë. Ndoshta mund të them se etnia serbe janë shumicë në veri të kuvendit, kërkesa ka qenë më e madhe nga serbët se sa nga shqiptarët për shkak se atyre ua lëhtëson shumë lirin e lëvizjes, fjala është për mjetet motorike sepse i bie afër në jug të dalin. Unë e di që ky vendim i tillë është marrë që nga viti 2015 që të hapet Ura e Ibrit në dialogun kur kanë qenë qeverisjet e kaluara”, tha Doli./teve1.info/
