Mbrëmjen e së hënës, zyrtarët doganorë në pikën kufitare në Merdarë kanë zbuluar mallra të padeklaruara në një automjet me targa të huaja.
Fillimisht, shoferi kishte deklaruar se nuk transportonte asnjë mall për t’u doganuar, por ekipi doganor së bashku me Policinë e Kosovës kishin vendosur ta dërgojnë automjetin për kontroll të detajuar.
Gjatë verifikimit me skaner dhe kontrollit fizik, në bagazhin e automjetit është bërë e ditur nga Dogane se janë gjetur tri valixhe të kamufluara me veshje të përdorura.
Brenda tyre zyrtarët gjetën pajisje për ujësjellës dhe sistem të ngrohjes qendrore, të cilat nuk ishin deklaruar.
Mallrat janë ndaluar përkohësisht, ndërsa dyshohet se vlera e tyre tejkalon shumën prej 10 mijë eurove.
Dogana ka bërë të ditur se rasti është duke u trajtuar sipas procedurave ligjore, ndërsa hetimet rreth origjinës dhe destinimit të pajisjeve po vazhdojnë. /teve1.info/
