Përmes njoftimit, Dogana bëri të ditur se automjeti i dyshimtë nuk është ndalur edhe pas urdhërave të oficerëve doganorë, ku i njëjti ka tentuar të ikë me automjet.
“Njësitë e antikontrabandës së Doganës gjatë patrullimit në Mitrovicë (pjesën Veriore) kanë identifikuar një automjet transportues të dyshimtë. Oficerët doganor kanë tentuar të ndalin këtë automjet por i njëjti nuk i është bindur urdhërave për të u ndalur dhe ka tentuar të ikë me automjet. Pas ndjekjes nga ana e njësive tona është arritur të ndalohet ky automjet, respektivisht në fshatin Zubq ku edhe është ndaluar”, thuhet ndër tjerash në njoftim.
Tutje, Dogana njoftoi se mallrat me origjinë nga Serbia janë konfiskuar dhe se ka filluar procedura kundërvajtëse./teve1.info/
