Gjatë një kontrolli rutinë në pikëkalimin kufitar të Vermicës, njësitë doganore kanë zbuluar dhe parandaluar një rast të tentim-shmangies së detyrimeve doganore.
Gjatë inspektimit të detajuar janë gjetur 4 telefona të rinj iPhone 17 Pro Max, si dhe pjesë të ndryshme për telefona mobil, të cilat nuk ishin deklaruar nga pala përgjegjëse. Vlera totale e mallrave të sekuestruara tejkalon 5,000 euro.
Mallrat e padeklaruara janë konfiskuar, ndërsa ndaj personit të përfshirë janë iniciuar procedurat për kundërvajtje doganore, sipas ligjit në fuqi.
