Zonja e parë e Ukrainës, Olena Zelenska ka folur rreth ndikimit emocional që ka pasur pushtimi i Rusisë në familjen e saj.
Kur Rusia pushtoi Ukrainën në shkurt 2022, ajo kaloi muaj të tërë duke u fshehur në vende sekrete me fëmijët e saj.
Ajo e përshkroi gjendjen e saj emocionale në fillim të pushtimit si “një ndjenjë konstante adrenaline”. Me kalimin e kohës, ajo e kuptoi se ishte “e nevojshme” të qetësohej dhe të fillonte të jetonte jetën në “kushtet ekzistuese”.
Në një intervistë shumë personale për BBC-në, ajo foli gjithashtu për mungesën e familjes për të kaluar kohën së bashku, transmeton teve1.info
“Kjo mund të jetë pak egoiste, por unë kam nevojë për bashkëshortin tim, jo një figurë historike, pranë meje”, është shprehur ajo.
Ajo tregoi se me burrin e saj, Volodymyr Zelenesky nuk jetojnë bashkë.
“Me burrin tim nuk jetojmë bashkë, familja është e ndarë. Ne kemi mundësinë të shohim njëri-tjetrin, por jo aq shpesh sa do të donim. Djalit tim i mungon babai. Por ne qëndrojmë të fortë, kemi forcë si emocionalisht ashtu edhe fizikisht. Dhe jam e sigurt se do ta përballojmë së bashku”, shtoi Zelenska.
Megjithatë, pasiguria e të jetuarit në luftë ka një kosto emocionale për fëmijët e saj, tha ajo.
“Më dhemb kur shikoj që fëmijët e mi nuk planifikojnë asgjë. Në një moshë të tillë, të rinj. Vajza ime është 19 vjeç. Ata ëndërrojnë për udhëtime, për ndjesi të reja, emocione. Ajo nuk e ka një mundësi të tillë”, ka thënë Zelenska. /Teve1.info/
