Emisari për Misione të Posaçme i SHBA-së, Richard Grenell dy ditë më parë deklaroi se bashkësia ndërkombëtare është e bashkuar kundër kryeministrit Albin Kurti.
Djali i presidentit amerikan, Donald Trump Jr të mërkurën në platformën e tij “X” e ka rishpërndarë këtë postim të Grenell.
“Kurti ka qenë gjithashtu kundër çdo ideje amerikane të ofruar nga presidentët Clinton, Bush, Obama, Biden dhe Trump. Retorika e përdorur nga Kurti tani, duke pretenduar se është i afërt me SHBA-në dhe më mirë se të gjitha qeveritë e tjera të Kosovës, është absolutisht e rreme. Mos u mashtroni. “Kam shumë miq në Kosovë dhe Shqipëri…dhe shumë miq në Serbi dhe në mbarë rajonin. Administrata Trump ka punuar dhe do të vazhdojë të punojë drejt paqes për të gjithë në Ballkan. Por ne kemi nevojë për partnerë të besueshëm”, ka shkruar Grenell në platformën “X”
