Në fjalimin e tij para protestuesve serb ai ndër tjerash ka thënë se babi i tij, Dejan Pantiq është arrestuar vetëm sepse jeton në Kosovë.
“Babai im është arrestuar vetëm sepse është serb, babai im është arrestuar vetëm se ka dorëzuar uniformën, babai im është arrestuar vetëm sepse jeton këtu”, tha ai.
Në protestë mbajti fjalim edhe Nikolla Kabashiq ish-anëtar i Këshillit Gjyqësor të Kosovës, i cili ka thënë se serbët e Kosovës janë gjendjet të keqe.
Protesta e tyre po mbahen si kundërshtim të deklaratave të kryeministrit Albin Kurti dhe ambasadorit gjerman në Kosovë.
Serbët kanë përdorur një deklaratë të Kurtit i cili ka thënë se heqja e barrikadave mund të krijo viktima dhe për këtë po tregohen të suksesshëm.
“Kjo është arsyeja pse duhet të jemi sa më të kujdesshëm që është e mundur që të sigurohemi se nuk do të ketë destabilizim (të situatës) dhe që paqja relative dhe siguria do të vendosen…”- kishte thënë Kurti për The Guardian.
Ndryshe Gjykata Themelore e Prishtinës ka caktuar masën e paraburgimit prej 30 ditësh ndaj ish-zyrtarit policor, Dejan Pantiç i cili dyshohet për kryerjen e veprave terroriste.
Ministri i Punëve të Brendshme, Xhelal Sveçla ka deklaruar se ish-zyrtari policor, Pantiç ka marrë pjesë në sulmin ndaj zyrave të Komisionit Komunal Zgjedhor në Mitrovicën Veriore.
I njëjti akuzohet për kryerjen e veprave terroriste dhe sulm kundër rendit kushtetues.
Si shenjë revolte për arrestimin e tij, serbët lokalë kanë vendosur disa barrikada në pikat kufitare në Rudare./teve1.info/
