Familja e 13-vjeçarit kosovar D.SH. i cili është diagnostikuar me leuçemi dhe aktualisht po trajtohet në qytetin Nancy të Francës po kërkon mbështetje financiare.
Sipas familjes, edhe pse spitali atje ka marrë përsipër të gjitha shpenzimet mjekësore për trajtimin e tij, ata po përballen me vështirësi të mëdha financiare për të përballuar jetesën e përditshme në Francë.
Për këtë arsye, Idriz Shala, babai i të miturit, ka bërë thirrje publike për ndihmë, duke kërkuar mbështetje nga qytetarët vullnetmirë për të mbuluar shpenzimet jetësore që nuk mbulohen nga spitali – si ushqimi, akomodimi dhe transporti.
“Jemi shumë falënderues që djali po merr trajtimin që i nevojitet, por përballja me jetesën në një vend të huaj pa të ardhura është shumë e vështirë. Çdo ndihmë, sado e vogël, do të ishte një lehtësim i madh për ne,” ka thënë ai.
Të gjithë ata që dëshirojnë të kontribuojnë për këtë rast humanitar, mund ta bëjnë këtë përmes llogarisë bankare në Kosovë:
Raiffeisen Bank – Kosovë
Emri i prindit: Idriz Shala
IBAN: XK05 1501 1100 0455 9072
Swift Code: RBKOXKPR
Qyteti: Prishtinë
Familja falënderon paraprakisht të gjithë ata që do të ofrojnë ndihmën dhe solidaritetin e tyre në këtë kohë të vështirë.
