Me 2 prill të vitit 1992, grupi famëkeq i njohur si Tigrat e Arkanit, do të kryenin masakrat të rënda në Bosnje dhe Hercegovinë.
Njëra nga to ishte në qytetin Bijelinë, ku ky grup i udhëhequr nga Željko Ražnatović i njohur si Arkani, ekzekutuan dhjetëra civil të pafajshëm.
E fotografi amerikan, Ron Haviv, kapi disa nga skenat me të tmerrshme të kësaj masakre.
Kurse revista e famshme “Rolling Stone” zbuloi se njëri nga pjesëtarit e këtij grupi, është tani DJ i famshëm serb, i njohur me nofkën MAX.
Behët fjalë për Sërgjan Goluboviq, të cilin e identifikoi në shumë fotografi të Havivit.
“Haviv shkrepi një pamje të vetme të komandos. Është një foto e habitshme: një i ri i lodhur, me fytyrën e errësuar, me një granatahedhës me raketa në shpinë. Syzet e diellit të vendosura mbi kokën e tij, një cigare e ndezur që i rrinte e varur nga dora e majtë. Burri e lëkund çizmen e tij të zezë drejt Tifas, ndaj trupit të saj të thërrmuar pranë Abdiramit dhe Hamijetës, gjithashtu të qëlluar. Dy burra me uniformë kalojnë pranë, me armë në dorë, ndërsa gjaku derdhet në beton”, shkruan revista “Rolling Stone”.
Në këtë hulumtim janë sjellë shumë fakte që DJ i njohur në Serbi, që performoi edhe në disa vende të Evropës dhe ishte i pranishëm në Bijelinë në kohën kur u krye masakra.
Por, si u përpoq Sërgjan Goluboviq të bënte një jetë tjetër pas përfundimit të luftës në Bosnje?
“Kur u vendos në Bosnje, sipas burimeve të shumta, anëtarët e Tigrave të Arkanit e quajtën atë Max. Në festat e Beogradit, njerëzit e quanin “Kapiten Maks”. Në ndeja të muzikës rave dhe koncerte, ai ishte DJ Max, emri me të cilin ai ende performon, megjithëse performancat e tij janë më të rralla këto ditë”, shkruan më tej kjo revistë.
Sipas kësaj reviste, pavarësisht krimeve mizore që Guloboviq me të tjerët i kryen këtu, asnjë prej tyre nuk doli para drejtësisë.
“E megjithatë, pavarësisht fotos turpëruese, burrat e fotografuar nuk janë gjykuar kurrë për përfshirjen e tyre të dyshuar në vrasjet e Bijelinës. Ndërsa gjykatat në Ballkan kanë paditur qindra njerëz për krime të kryera gjatë luftës në një proces gjyqësor që ka marrë dekada, qindra raste të krimeve të luftës në të gjithë rajonin mbeten të pazgjidhura. Në Bijelinë, si shumë vende anembanë Bosnje dhe Hercegovinës, njerëzit e akuzuar për mizori ecin në të njëjtat rrugë me viktimat e tyre”, thuhet më tej në këtë shkrim.
Ndryshe, në masakrën e Bijelinës, tre nga viktimat ishin shqiptarë.
Kronika e gazetarit Fidan Zejnullahu.
