Në kuadër të Ditës pa makina, më 22 shtator, Komuna e Prishtinës zgjati sheshin e qytetit nga bulevardi “Xhorxh Bush” deri te Rrethi i Flamurit. Mirëpo pavarësisht se disa qytetarë e shfrytëzuan, disa prej nuk po e mirëpresin një gjë të tillë sipas tyre nuk është e nevojshme të ndodhë asnjëherë.
Tentativat për të hyrë me makina në rrugën “Dëshmorët e Kombit” , këtë të premte ishin të shpeshta.
Mirëpo e njëjta rrugë u bllokua me vendim të komunës së Prishtinës për nder të Ditës Botërore pa Makina.
Për ata që nuk janë në dijeni për këto ndryshime, informimi po bëhet nga zyrtarët policor.
Ndërkohë, zgjatja e sheshit po shfrytëzohet në forma të ndryshme.
Mirëpo pavarësisht kësaj, për disa qytetarë një gjë e tillë nuk është e nevojshme.
Ndryshe nga këta mendojnë disa qytetarë tjerë, ata pavarësisht vështirësive shpresojnë se komuna nuk i lë pa zgjidhje.
“Dita pa makina”, është një ngjarje ndërkombëtare, e cila organizohet në 2000 qytete të botës, dhe që ka për qëllim inkurajimin e qytetarëve që t’i përdorin sa më pak makinat për transport, e në vend të tyre të shfrytëzojnë transportin publik apo biçikletat.
