Me rastin e Ditës Ndërkombëtare Kundër Dhunës, Policia e Kosovës, në partneritet me organizatën “Terre des Hommes”, ka organizuar një aktivitet vetëdijësues në sheshin “Zahir Pajaziti” në Prishtinë.
Sipas Policisë, qëllimi i këtij aktiviteti ishte promovimi i parimeve të paqes, tolerancës dhe respektit të ndërsjellë, si dhe ndërgjegjësimi i qytetarëve për format e dhunës, mënyrat e parandalimit dhe rëndësinë e raportimit të saj.
Gjatë aktivitetit, qytetarëve u janë shpërndarë broshura dhe fletushka informuese, ndërsa në shesh janë vendosur edhe silueta me mesazhe kundër dhunës dhe diskriminimit ndaj fëmijëve./teve1.info/
