17 maji shënon Ditën ndërkombëtare të hipertensionit, e cila ka një përhapje të gjerë në mbarë botën, ku çdo vit shënon 1.9 milion të vdekur.
Problemi më i madh që haset në lidhje me këtë sëmundje është se shumica e personave që vuajnë nga tensioni i lartë i gjakut nuk janë në dijeni të saj.
Hipertensioni, i përcaktuar si presioni i gjakut sistolik i ngritur vazhdimisht në zyrë ose klinikë mbi 140 mmHg dhe/ose presioni diastolik i gjakut prej të paktën 90 mmHg, prek mbi 1.5 miliardë njerëz në mbarë botën. Ajo është e lidhur me rritjen e rrezikut të sëmundjeve kardiovaskulare (p.sh. sëmundje koronare të zemrës, insuficiencë kardiake, goditje në tru, çmenduri) dhe vdekje.
Hipertensioni paraqet simptoma si dhimbje koke, marramendje, pagjumësi, etje, dobësi muskulore dhe humbje ekuilibri. 40% e të sëmurëve me tension rrezikojnë të pësojnë hemorragji cerebrale dhe 16% e tyre infarkt në zëmë, raporton KP
Ky aktivitet i rëndësishëm mbarë botëror, i nisur nga Liga Botërore e Hipertensionit (WHL), ishte mbajtur për herë të parë në vitin 2005, dhe që atëherë Dita Botërore e Hipertensionit ka qenë një ngjarje vjetore gjithnjë në zgjerim.
Qëllimi i kësaj dite është të komunikojë me publikun rëndësinë e hipertensionit dhe komplikimet serioze mjekësore të tij dhe për të ofruar informacion mbi parandalimin, zbulimin dhe menaxhimin e tij, nëpërmjet bashkëpunimit të profesionistëve të kujdesit shëndetësor, mediave, organizatave vullnetare dhe agjencive qeveritare.
