Zaher al-Waheidi, kreu i departamentit të të dhënave në Ministrinë e Shëndetësisë të Gazës, tha se të paktën 263 nga 404 personat e konfirmuar të vdekur deri më tani të martën ishin gra ose fëmijë.
Ai e përshkroi atë si ditën më vdekjeprurëse në Gaza që nga fillimi i luftës në tetor 2023, raporton AP.
Ndërkohë, Arabia Saudite dhe Egjipti e kanë dënuar sulmin izraelit duke thënë se nuk do të fillojnë procesin e normalizimit të marëdhënieve pa ndalimin e sulmeve dhe ndërprerjen e luftës.
Edhe ndërmjetësuesi i marrëveshjes, Katari ka dënuar ashpër rifillimin e luftës të martën duke thënë se kjo dërgon në destabilizimin e rajonit.
Kurse, Ministria e Jashtme e Turqisë denoncoi sulmet ajrore të Izraelit në Gaza si një fazë të re në “gjenocid”.
Ata i bënë thirrje komunitetit ndërkombëtar që të marrë një “qëndrim vendimtar” kundër Izraelit për të siguruar një armëpushim të përhershëm dhe dërgimin e ndihmave humanitare në Gaza.
Më shumë se 48,500 palestinezë janë vrarë, kryesisht gra dhe fëmijë, dhe mbi 112,000 të tjerë janë plagosur në një fushatë brutale ushtarake izraelite në Gaza që nga fillimi i luftës në tetor të vitit 2023.
