Dita Makasqi – psikologe &kriminologe, ka treguar me sfidat me të cilat ballafaqohet ajo në profesionin e saj.
Makasqi ka thënë se në këtë profesion ka mungesë bashkëpunimi profesional nga institucionet.
“Është profesion sfidues, direkt nuk kam pas kërcënime në mënyrë indirekte munde të ketë pas. Sfida më e madhe e këtij profesioni është se nuk e ka një kuptim të plotë ky profesion dhe që është një rezistencë institucionale për bashkëpunim profesional. Këtë e shoh si sfidë të madhe për këtë profesion”, ka thënë ajo.
Makasqi në një intervistë në emisionin “Mesditë” në Tëvë1, ka treguar edhe një përvojë personale me një person i cili kishte kryer një vrasje.
Ajo ka thënë se ky person gjatë fëmijërisë së tij kishte pasur trauma. Sipas saj, gjatë rrëfimit ai person ka dashur të tregojë se po të kishte një trajtim të duhur gjatë asaj periudhe, ndoshta nuk do ta kishte kryer veprën.
“Ka qenë përvoja ime e parë që unë ja ballafaqua me një person që ka kryer vrasje, ka qenë tepër i heshtur dhe i mbyllur në veti. Në momentin kur e kam intervistua personin e kam pas një ndjeshmëri tepër interesante, jam ndier shumë keq, sepse ai ka fillua me rrëfye jetën dhe fëmijërinë e tij, ka pasur trauma tepër të thella. Vrasja nuk ka justifikim, por ai është mundu me thanë se po të kishte një trajtim në fazën e adoleshencës nuk kishte ardhur deri tek kjo (vrasja), sepse ishte rritur në një familje ku kishte pasur një trajtim shumë toksik dhe nuk kishte pasur mundësi t’i shpreh ndjenjat që i ka pas, emocionimet,ndryshimet e fazave , fëmijëri –adoleshencë dhe më të vërtetë ishte shndërruar në një person tepër të mbylltë, ku më vonë ka ardh deri në atë fazë ku ka pas një shpërthim emocional dhe ka kryer aktin”, ka thënë Makasqi
