64 kadetë të FSK-së janë rrugës për t’u bërë nëntoger.
Janë orët e para të mëngjesit. Por, Fisnik Ahmeti, tashmë po i bën përgatitjet e fundit.
Pas pak minutash, kadeti i vitit të tretë në Qendrën për Studime Universitare të FSK-së, duhet të jetë i gatshëm për detyrë.
“Zakonisht kur jemi kështu në terren, zgjimin e kemi në ora 6 të mëngjesit. Zgjohemi atëherë edhe e kemi një periudhe kur duhet me u bo gati për inspektimin paraluftarak. Çizmet i ilustrojmë, duhet me rregullu uniformën, pajisjet”, tha Ahmeti.
Por dita për të dhe ushtarët e tjerë të FSK-së, mund të fillojë shumë më herët.
Nëse ka ndonjë alarm apo diçka, të bjen me u çu në 2 a 3 të natës, duhet me qenë gjithmonë në gjendje gatishmërie, pajisjet duhet me i pas gjithmonë të rreshtuar, helmetën, anti-plumbin, çantën”, deklaroi Ahmeti.
E thirrja për të cilën u bën gati, vije në ora 6:50.
Për pak minuta, secili nga 64 kadetët e FSK-së që po marrin pjesë në aktivitetet trajnuese në aeroportin e Gjakovës, vihet në gjendje gatishmërie në togun që i përket.
Në këtë mënyrë kryhet edhe inspektimi paraluftarak.
Ndërsa më pas kadet-kapitenja, Fjolla Haxhijaj, i mbledh udhëheqësit e togjeve, në Qendrën Operative.
Këtu përmes kësaj harte shpjegohet në detaje, natyra e misionit të radhës.
Ndërkohë terreni i kësaj harte, është i improvizuar në maketin që ndodhet jashtë Post Komandës Taktike.
Edhe këtu, jepen koordinatat dhe instruksionet për ekzekutimin e misionit deri në detaje.
Për këtë vëmendja e ushtarëve, është e madhe.
“Pas këtuhit, ua shpjegoj detyrat secilit pjesëtar detyra që ka me i kry, bëhet inspektimi paraluftarak edhe menjëherë nisemi për me kry misionin”, tha Fjolla Haxhijaj, kadet-kapitene e FSK-së në QSU.
E rrugës për nëntogerë, në mesin e 64 kadetëve të FSK-së, janë edhe dhjetë femra.
Për këtë, Haxhijaj bën thirrje tek të gjithë të rinjtë, të aplikojnë në konkursin e FSK-së për rekrutimin e kadetëve të rinj.
Ndërkohë kapitën dhe zv/komandant Albian Ajvazi, ka treguar se çfarë mësojnë për katër vite kadetët në Qendrën për Studime Universitare.
“QSU-ja i ka katër programe, që janë si shtylla të funksionimit të shkollës tonë. Që është komponenti profesional, akademik, përgatitja fizike udhëheqja”, tha ia.
Në fund pas gjithë kësaj, kadetët e FSK-së, nisën në terren për ta kryer misionin, urdhrat e të cilit, i morën pak minuta më parë.
Raporti i gazetarit Fidan Zejnullahu.
