Në Ditën Ndërkombëtare të Gjuhës Amtare, presidenti i Shqipërisë, Bajram Begaj ka përcjellë një mesazh për rëndësinë e ruajtjes dhe përcjelljes së gjuhës shqipe.
Në profilin e tij në Facebook, Begaj ka publikuar një video-mesazh me poezinë “Gjuha shqype”, të interpretuar nga nxënës të shkollës 9-vjeçare “Selim Alliu” në Peshkopi, shkollë e cila është fituese aktuale e konkursit kombëtar të gjuhës shqipe.
“Krenar për gjuhën tonë amtare shqipe. Ta duam, ta ruajmë, ta përcjellim brez pas brezi dhe ta flasim bukur gjuhën tonë amtare,” ka theksuar presidenti.
Ai ka nënvizuar se vargjet e Fishtës, si në kohën kur janë shkruar, ashtu edhe sot, kanë të njëjtin kuptim për bukurinë e gjuhës shqipe, për përcjelljen e saj nga brezi në brez, ruajtjen në vise e fe të ndryshme, si dhe për fuqinë e saj si element identitar i kombit.
Me këtë mesazh, presidenti ka synuar të ndërgjegjësojë çdo shqiptar për ruajtjen, përcjelljen dhe pasurimin e gjuhës shqipe.
