Krejt kjo pas arrestimit më 10 dhjetor të ish-pjesëtarit të Policisë, Dejan Pantiq, në pikëkalimin kufitar në Jarinje, përcjell teve1.info
Ai po dyshohet se “ka organizuar sulmin terrorist” ndaj zyrtarëve të Komisionit Qendror të Zgjedhjeve në veri të vendit më 6 dhjetor.
Gjatë kësaj periudhe situata ka qenë kryesisht e qetë, përveç së dielës ku dhjetëra persona nga organizata e ashtuquajtur “Atdhetarët serbë nga Serbia, Mali i Zi dhe Republika serbe” kanë mbajtur një protestë në pikëkalimin kufitar në Jarinje, teksa kanë protestuar si shenjë mbështetjeje ndaj serbëve lokalë që kanë ngritur barrikada në veri të Kosovës.
Me këtë rast, disa protestues serbë janë përleshur me forcat policore të Serbisë.
Sa i përket kësaj situate të krijuar, kryeministri i vendit Albin Kurti, ka thënë se barrikadat e vendosura nga serbët në veri të Mitrovicës nuk do të qëndrojnë edhe gjatë.
Për heqjen e tyre ai ka thënë se janë në koordinim me KFOR-in.
Largimin e këtyre barrikadave e kanë kërkuar Shtetet e Bashkuara dhe Bashkimi Evropian, të cilët kanë dënuar sulmet ndaj Policisë së Kosovës dhe EULEX-it. /Teve1.info/
