Distria Krasniqi ka siguruar medalje, nga gara e madhe e xhudos, Grand Slami në Paris, duke arritur deri në finale.
Kampionia olimpike u kualifikua në finale të kategorisë deri në 52 kilogramë, duke e siguruar të paktën medaljen e argjendtë.
Distria në gjysmëfinale e mundi xhudisten nga Japonia, Kisumi Omori, në vazhdime, duke e realizuar një wazzari në “Golden Score”.
Në finale, Distria Krasniqi do të përballet me britaniken, Chelsie Giles.
Në anën tjetër, edhe Nora Gjakova është vetëm një luftë larg medaljes së bronztë.
Ajo në ndeshjen e parë të repesazhit e mposhti italianen Veronica Toniolo.
Sot garoi gjithashtu edhe Flaka Loxha, e cila u ndal në raundin e tretë.
