Vala e re diskriminuese ndaj sportistëve kosovarë nuk e ndërmend të ndalet. Pas Donjetës Sadiku që iu pamundësua të përfaqësojë Kosovën në Botërorin e Boksit në Indi, tani një diskriminim tjetër ka ardhur nga Spanja.
Sipas Komitetit Olimpik te Kosovës, Federata e Spanjës për Kajakim nuk ka lejuar garuesen kosovare, Blandine Xhemajli që të paraqitet me simbole shtetërore te Kosovës në një garë ndërkombëtare që mbahet në fund të muajit në Spanjë, shtet ky që nuk e njeh Kosovën.
“Një gjest i tillë, kryekëput politik, është diskriminues dhe asesi i pranueshëm për ne, për çka do të marrim masat e nevojshme në institucionet përkatëse ndërkombëtare”, thuhet në njoftimin e KOK-ut.
