Disa persona janë lënduar në dy aksidente që kanë ndodhur në dalje të autostradës “Ibrahim Rugova” në Veternik – Bresje 3.
Zëdhënësi i Policisë së Kosovës, Daut Hoxha, ka thënë për teve1.info se aksidenti ka ndodhur në orët e mbrëmjes të së hënës dhe se të lënduarit janë dërguar për trajtim mjekësor.
“Sonte në orët e mbrëmjes është raportuar për një aksident trafiku në autostradën “Ibrahim Rugova” dalja e autostradës Veternik – Bresje 3. Policia e Kosovës, konkretisht njësitet kompetente policore kanë dal në vendin e aksidentit dhe jemi njoftuar se behet fjale për dy aksidente në të njëjtin lokacion dhe janë të përfshira disa automjete. Ne këtë faze raportohet për disa të lënduar dhe të njëjtit janë përcjell për trajtim mjekësor”, ka thënë Hoxha.
