Kjo zakonisht ndodh për shkak të frikës që ata kanë për të marrë një vendim të tillë.
Janë 8 mënyra për të larguar këtë frikë gjatë fluturimit, shkruan Adaa,.
1. Identifikoni shkaktarët
Kuptoni se çfarë ju frikëson dhe shqyrtoni se si iu shkaktohet ankthi. Ju duhet të identifikoni shkaktarët, në mënyrë që të menaxhoni frikën tuaj kur nivelet e ankthit janë të ulëta.
2. Njihuni me faktet
Ankthi lulëzon dhe ushqehet me “po sikur?”. Por, sapo të bëheni të ditur, “po sikur?” mendimet kufizohen nga faktet. Njihuni me faktet. Ata nuk do t’ju eliminojnë ankthin, por do t’ju ndihmojnë ta menaxhoni atë.
3. Parashikoni ankthin tuaj
Parashikimi i ankthot është ajo që ne përjetojmë në pritje të një frike. Shpesh është ankthi më intensiv që do të përjetoni gjatë fluturimit, por nuk është një parashikues i saktë se si do të ndiheni gjatë fluturimit. Shpesh është shumë më e madhe se ajo që ju përjetoni në të vërtetë.
4. Ndani frikën nga rreziku
Shpesh është e vështirë të ndash ankthin nga rreziku sepse trupi juaj reagon saktësisht në të njëjtën mënyrë ndaj të dyjave. Sigurohuni që të etiketoni frikën tuaj si ankth. Thuajini vetes se ankthi bën që mendimet tuaja të frikshme të ndihen më të mundshme dhe kujtojini vetes se ndjenja e ankthit nuk do të thotë se jeni në rrezik. Jeni të sigurt edhe kur ndjeni ankth të fortë.
5. Mendoni se mund ta mposhtni ankthin
Ankthi do t’ju mashtrojë të mendoni se jeni në rrezik kur jeni plotësisht të sigurt. Ndjenjat tuaja të brendshme në këto raste do t’ju thonë gjithmonë të shmangni, por nëse i ndiqni këto ndjenja, gjithmonë do të përforconi ankthin tuaj. Si rregull, bëni të kundërtën e asaj që ju thonë ndjenjat e ankthit. Luftoni atë që ankthi ju thotë të bëni, por përqafoni shqetësimin që sjell ankthi.
6. Qëndroni të qetë nëse ka turbulenca
Për të menaxhuar ankthin kur ka turbulenca, mësoni rreth aeroplanëve dhe se si ata janë krijuar për të trajtuar turbulencat. Përqendrohuni në menaxhimin e ankthit tuaj në vend se kur do të mendoni se kur do të përfundojë turbulenca ose sa e rëndë mund të bëhet. Kujtojini vetes se jeni të sigurt.
7. Ndani ndjenjat me dikë
Fluturuesit e tjerë duhet të dinë se çfarë ju frikëson, së bashku me atë që ju ndihmon më shumë për të përballuar ankthin gjatë një fluturimi. Detyra juaj është të jeni të qartë për shkaktarët tuaj dhe të kërkoni në mënyrë specifike atë që ju duket më e dobishme.
8. Vlerësoni çdo fluturim
Ekspozimi është përbërësi aktiv në tejkalimin e fobisë tuaj. Çdo fluturim ju ofron mundësinë për ta bërë më të lehtë fluturimin tjetër. Qëllimi juaj është të ritrajnoni trurin tuaj që të bëhet më pak i sensibilizuar ndaj nxitësve.
