Kryetari i Asociacionit të Kosovës, Xhemajl Rexha ka thënë se deklarimet e presidentes Osmani ndaj gazetarëve cenojnë sigurinë e përfaqësuesve të medieve.
Ai duke folur për deklarimet që Osmani ka bërë, se disa gazetarë janë të lidhur me Radoiçiqn ka thënë se kërkojnë që organet e sigurisë dhe drejtësisë të thonë fjalën e tyre.
“AGK fton organet e sigurisë dhe drejtësisë që të thonë fjalën e tyre. Prokuroria e ka thënë se nuk ka asnjë gazetar që është duke u hetuar. Insinuatat e tilla e vënë në rrezik sigurinë fizike të gazetarëve dhe presidentja Osmani po e bënë atë që do duhej e fundit ta bënte”, ka thënë Rexha në emisionin “InfoNata” në Tëvë1.
Ai ka thënë se situata e fundit e arrestimit të kameramanit i cili po bënte xhirime siç ka thënë ai në vend publik për shkollimin e Osmanit dhe reagimi i Qeverisë pas publikimit të raportit të Reporterëve pa Kufij në muajin maj, do të ndikojë që Kosova të renditet edhe më keq sa i përket lirisë së medieve.
Presidentja e Kosovës, Vjosa Osmani ka thënë si disa gazetarë janë të lidhur me të akuzuarin kryesor për sulmin në Banjskë, Milan Radoiçiq dhe se kanë qenë të përfshirë në plane për grushtet.
Ajo ka thënë se me këtë deklarim nuk ka qenë qëllimi të rrezikojë jetë e gazetarëve, por siç ka thënë ajo të mbrojë jetën e dy vajzave të saj.
Osmani: Disa gazetarë po hetohen si bashkëpunëtorë të Radoiçiqit
