Dioqeza e Rashkës dhe ajo e Prizrenit i kanë kthyer përgjigje letrës së ministrit të Kulturës, Hajruall Çeku, lidhur me renovimet e Manastirit të Banjskës pas sulmit terrorist të 24 shtatorit.
Në përgjigje, Dioqeza thotë se dëmtimet e 24 shtatorit nuk e kanë prekur Kishën apo seksionin historik, aty pretendohet se është dëmtuar një derë metalike, dhe pjesa jashtë e kompleksit kryesor të Manastirit.
Dioqeza në përgjigje thotë se kanë siguruar fondet nga Manastiri Hilandar dhe se së shpejti do të fillojnë me riparimet e dëmeve.
“Duke qenë se dëmi i Manastirit të Banjskës më 24 shtator nuk u shkaktua në kishë ose në seksionin historik, por përfshinte një portë metalike të thyer me origjinë të kohëve të fundit dhe dëmtime në konakun jashtë kompleksit kryesor të manastirit, duke kërkuar riparime bravandreqës dhe zdrukthtari, ne e gjykojmë të nevojshme për të informuar opinionin se Dioqeza e Rashkës dhe Prizrenit tashmë ka siguruar mjetet e nevojshme për këto riparime, falë një donacioni nga Fondacioni i Manastirit Hilandar dhe se së shpejti do të riparohen dëmet”, thuhet në përgjigjen e tyre.
Lidhur me këto dëmtime, ministri Çeku, përmes një letre publike kishte thënë se Qeveria e Kosovës po e konkretizon zyrtarisht zotimin e 27 shtatorit për sanimin e dëmeve në Manastir të Banjkës.
“Zotimin e dhënë në mbledhjen e Qeverisë së Kosovës të datës 27 shtator 2023 për sanimin e dëmeve në Manastirin e Banjskës në Zveçan, të shkaktuara nga sulmi terrorist i datës 24 shtator, po e konkretizojmë më shkresën zyrtare drejtuar Dioqezës Rashkë – Prizren. Konform detyrimeve, autorizimeve kushtetuese dhe ligjore ftojmë autoritetet e Kishës Ortodokse Serbe në Kosovë për bashkërendim të veprimeve deri në ndërhyrjet e nevojshme restauruese për sanimin e dëmeve në këtë aset të trashëgimisë kulturore”, kishte shkruar Çeku./teve1.info/
Çeku me shkresë zyrtare Dioqezës Rashkë – Prizren për sanimin e dëmeve në Manastirin e Banjkës
