Gjiganti i Kroacisë, Dinamo e Zagrebit është futur në garë për shërbimet e sulmuesit Cristian Shpendi.
Mediumet kroate kanë raportuar të hënën se është trajneri i ri i Dinamos, italiani Fabio Cannavaro që po insiston në transferimin e Shpendit gjatë këtij muaji.
Cannavaro po e sheh Shpendin si përforcim të duhur për sulmin, pasi 21-vjeçari ka shpërthyer këtë sezon në Serie B të Italisë.
Shpendi ka shënuar 12 gola në 19 paraqitje me Cesenan, ekip me të cilin ka kontratë deri në verën e vitit 2028.
Shpendi në vitin 2021 është promovuar në ekipin e parë të Cesenas dhe kartoni i tij vlerësohet rreth 5 milionë euro, pasi sulmuesi po kërkohet edhe nga Juventusi, Lazio e Napoli.
