Phil Foden ishte i pazëvendësueshëm në duelin e parë të Anglisë në Kampionatin Evropian që po mbahet në Gjermani.
Ai luajti gjatë tërë ndeshjes në fitoren e Anglisë 1:0 kundër Serbisë në kuadër të Grupit C. Megjithatë, Foden pritet të jetë rezervist për ndeshjen e xhiros së dytë, të cilën Anglia e luan kundër Danimarkës të enjten prej orës 18:00.
Mediumet angleze kanë bërë të ditur se trajneri i Anglisë, Gareth Southgate ka mbetur tejet i zhgënjyer me paraqitjen e Fodenit kundër Serbisë.
Foden luajti në krahun e majtë dhe përbënte treshen me Jude Bellinghamin e Bukayo Sakan prapa sulmuesit Harry Kane.
Ai ndaj Serbisë nuk tregoi formën që e kishte te Manchester City sezonin e fundit, ku shënoi 27 gola dhe bëri 12 asistime, kështu që pritet të jetë rezervit.
Në vend të Fodenit, pritet të aktivizohet Cole Palmer i Chelseat pasi Anglia me fitore ndaj Danimarkës e siguron avancimin nga faza e grupeve.