Një veturë me targa serbe është djegur sot, në orët e para të mëngjesit, në veri të Mitrovicës.
Lajmin për teve1.info e ka konfirmuar zëvendëskomandanti i Policisë së Kosovës për veriun, Veton Elshani, i cili tha se bëhet fjalë për një veturë që ka qenë e parkuar në rrugën “Ivo Lola Ribar”, në afërsi të shtëpisë së pronarit.
“Policia ka marrë njoftimin për zjarrin rreth orës pesë të mëngjesit kur edhe kanë dalë në vendin e ngjarjes, ku paraprakisht kishin arritur zjarrfikësit”, ka thënë ai.
Lidhur me këtë ngjarje, Elshani ka thënë se për momentin nuk ka të dyshuar dhe nuk dihet ende motivi, derisa ka shtuar se hetimet janë duke vazhduar. /teve1.info/
