Një kulm i disa banesave është përfshirë nga zjarri mëngjesin e sotëm ne rrugën “Drena II”, afër stacionit të trenit në Fushë-Kosovë.
Kështu ka bërë të ditur për tëvë1.info drejtori i zjarrëfikësve, Malë Gashi i cili tha se si pasojë e tymit të shkaktuar një banor ka marrë ndihmën e parë.
Gashi tutje ka bërë të ditur se ekipet e zjarrfikësve kanë arritur në vend ngjarje dhe zjarri është duke u lokalizuar.
“Në ora 07:54, është pranuar informata për zjarr në një banese , adresa Rruga Drena II, afër stacionit te trenit, Fushë Kosovë! Ekipet menjëherë kanë dalë në vendin e ngjarjes, ishte duke u djegur kulmi i përbashkët i disa banesave. Për një kohë të shkurtë, ekipet kanë arritur që zjarri te jetë nën kontroll. Tashmë, jemi në përfundim. Sipas informatave, një banor ka marr ndihmën e parë për shkak të tymit”, ka deklaruar Gashi./teve1.info/
