Kështu ishte pamja e këtij automjeti mëngjesin e së mërkurës.
Kjo pasi një natë më parë morën flakë mbeturinat te Posta e Vogël në lagjen Bregu i Diellit.
Rasti ka ndodhur rreth orës 22:00 të mbrëmjes.
E në vend të ngjarjes, të menjëhershëm ishin zjarrfikësit, të cilët e vënë situatën nën kontroll.
“Në ora 22:27 minuta jemi informu për një zjarr në mbeturina në fakt kur kanë arritur ekipet në vendin e ngjarjes e kanë parë se nuk ka të bëjë vetëm me mbeturina pra aty ishin ndezur disa mbeturina në kontejnerë dhe disa që kanë qenë përreth në tokë. Fatkeqësisht aty ka qenë afër i parkuar edhe një kamionët ku është përfshi nga zjarri. Ka pasur edhe automjete tjera por reagimi ka qenë shumë i shpejtë dhe me kohë, ka thënë Malë Gashi, Komandat i Brigadëss ë Zjarrfikësve.
Nga afër e pa ngjarjen edhe njohësi i emergjencave, Tahir Ahmeti.
Ai ka një apel për qytetarët.
“Këto temperatura që janë pothuajse ekstreme që po mbizotërojnë në vendin tonë, janë edhe burim i zjarreve të shumta të cilat mund të shkaktohen. Pra edhe rasti i mbrëmshëm mund të jetë si pasojë e këtyre temperaturave të larta. Gjithsesi që duhet të hasim në kujdes sepse mund të kemi edhe zjarre të tjerë coftë në prona private, në fusha, në pyje, prandaj edhe qytetarët duhet te jenë më të kujdesshëm në këto kohë sepse mjafton një shkëndi e vogël që mund të shkaktohet zjarrë si rasti i mbrëmshëm ku u dëmtua një makinë”, ka është shprehur ai.
Sipas Ahmetit, zjarrfikësit gjithmonë kryejnë punën e tyre me kohë edhe pse pajisjet me të cilat ata punojnë nuk janë të duhurat.
Si pasojë e temperaturave të larta që po mbizotërojnë këto ditë në Kosovë, autoritetet vazhdimisht kanë bërë thirrje që të ketë kujdes në ndezjen e zjarreve apo edhe hedhjen e gjërave të rrezikshme në mbeturina.
