Shoqata Amerikane e Zemrës publikoi një raport që renditi 10 dietat më të mira sipas udhëzimeve për ushqim të shëndetshëm për zemrën.
Studiuesit zbuluan se disa nga dietat më të njohura – si Keto dhe Paleo që renditeshin më poshtë për shëndetin e zemrës.
Nutricionistja Maya Feller tha se studiuesit përdorën kriteret e Shoqatës Amerikane të Zemrës (AHA ) për modelet e të ngrënit të shëndetshëm për zemrën si bazë të sistemit të vlerësimit, i cili përfshin kërkesat ushqimore të bazuara në yndyrna të kufizuara, yndyrna të ngopura, kolesterol, yndyrë trans ose natrium.
“Ajo që ata gjetën ishte se këto dieta që ishin shumë të ulëta në karbohidrate si Atkins ose dieta që ishin shumë të larta në yndyrë si Keto, në fakt në afat të shkurtër, pati pak humbje peshe dhe pati disa përmirësime në lipide, si dhe në sheqerin në gjak. Megjithatë, në afat të gjatë, me të vërtetë mund të rrisë rrezikun për LDL [ose] kolesterol të lartë. Ky është kolesteroli i keq dhe ky është një faktor rreziku për sëmundjet e zemrës”.
Dietat me shumë pak karbohidrate dhe dietat me yndyrë të lartë, si dietat ketogjenike dhe paleolitike, shënuan pikën më të ulët në shkallën AHA.
“Kufizimet në fruta, drithëra dhe bishtajore mund të rezultojnë në uljen e marrjes së fibrave. Për më tepër, këto dieta janë të pasura me yndyrë pa kufizuar yndyrën e ngopur. Konsumimi i niveleve të larta të yndyrave të ngopura dhe niveleve të ulëta të fibrave janë të lidhura me zhvillimin e sëmundjeve kardiovaskulare”, tha AHA në një deklaratë .
Raporti mori gjithashtu në konsideratë faktorë të tjerë si fleksibiliteti i dietës, rëndësia kulturore, preferencat personale dhe përballueshmëria.
Dieta DASH, dieta mesdhetare, dieta peskatariane dhe dieta vegjetariane ishin ndër dietat me pikët më të mira. Dy dietat e para ndihmojnë në menaxhimin e hipertensionit, një rrezik i njohur për sëmundjet e zemrës.
Ndërsa njerëzit nuk duhet të heqin plotësisht karbohidratet dhe yndyrnat nga dieta e tyre, Feller tha se mënyra më e mirë e veprimit është gjetja e një modeli të të ngrënit që funksionon më mirë për individin duke qëndruar vetëm të ndërgjegjshëm.
