Një vajzë ka raportuar në Policinë e Kosovës se është dhunuar në një shtëpi të pa banuar në Fushë-Kosovë nga një person, me të cilin ishte njohur disa muaj më parë.
Policia e Kosovës në raportin 24-orësh ka bërë të ditur se sipas viktimës, i dyshuari e kishte kërcënuar dhe shantazhuar në forma të ndryshme.
Viktima ka deklaruar se disa herë është detyruar që të dyshuarit t’i japë para në shuma të ndryshme, raporton teve1.info.
Lidhur me këtë rast PK, pas punës hetimore ka identifikuar të dyshuarin dhe i njëjti është arrestuar e dërguar në mbajtje.
“DHUNIM/Fushë Kosovë 02.04.2023 – Viktima femër kosovare ka raportuar se në një shtëpi të pa banuar ishte dhunuar nga i dyshuari mashkull kosovar me të cilin ishte njohur disa muaj më parë. Sipas viktimës i dyshuari e kishte kanosë dhe shantazhuar në forma të ndryshme, e njëjta po ashtu ishte detyruar ti japë para disa herë në shuma të ndryshme. Pas punës intensive operative dhe hetimore personi i dyshuar është arrestuar dhe është dërguar në mbajtje”, thuhet në njoftimin e Policisë. /teve1.info/
