Mirëpo i dyshuari për dhunimin e saj, ende nuk është identifikuar nga institucionet e shtetit.
“Unë e di atë që është inicu një rast me ato elemente. Po tutje duhet me prit rrjedhën e hetimeve. I dyshuari nuk është arrestuar, nuk është identifikuar, nuk dihet”, tha Avni Zahiti zëdhënësi i Policisë për regjionin e Mitrovicës.
Në anën tjetër, në Prokurorinë Themelore në Mitrovicë thonë se dyshohet që dhunuesi është i moshës së re.
“Rastit të cilin ju i referoheni dyshohet se ka ndodhur në komunën e Skenderajt. Viktima është e moshës rreth 71-vjeçare, ndërkaq i dyshuari për këtë rast tani për tani është i panjohur, dyshohet se është i moshës së re. Jemi në trajtim të rastit, dhe për shkak të hetimeve nuk mund të japim më shumë detaje”, tha Valon Preteniz, zëdhënësi I Prokurorisë.
Ndërkaq nga Qendra për Punë Sociale në qytetin e Skenderajt theksojnë se nuk kanë dijeni për rastin.
Viktima u dërgua në ekzaminim mjekësor të hënën.
Ndonëse rasti kishte ndodhur javën e kaluar, për të, Policia raportoi gjatë të mërkurës, në kuadër të raportit të rregullt ditor.
Kronika e gazetares Albiona Hajdari.
