Rastet kanë ndodhur në Fushë Kosovë, Prishtinë e Shtime gjatë festës së Vitit të Ri, raporton teve1.info
Në Fushë Kosovë një burrë ka ushtuar dhunë ndaj gruas së tij, i njëjti e ka mbajtur me dhunë dhe nuk e ka lejuar të shkoj te familja e saj.
I dyshuari është dërguar në mbajtje për 48 orë.
“ Fushë Kosovë 01.01.2023 – 12:57. Është arrestuar i dyshuari mashkull kosovar për shkak se kishte ushtruar dhunë ndaj bashkëshortes së tij, viktimës femër kosovare duke e mbajtur me dhunë dhe mos e lejuar të shkoi te familja e saj. I dyshuari pas intervistimit me vendim të prokurorit është dërguar në mbajtje për 48 orë”, thuhet në raport.
E në Prishtinë, djali ka ushtruar dhunë ndaj nënës së tij.
I dyshuari pas trajtimit mjekësor në Klinikën e Psikiatrisë është dërguar në mbajtje për 48 orë.
“Prishtinë 01.01.2023 – 18:00. Është arrestuar i dyshuari mashkull kosovar për shkak se kishte ushtruar dhunë ndaj nënës së tij, viktimës femër kosovare të cilën kishte tentuar ta sulmoj fizikisht. I dyshuari pas trajtimit mjekësor në klinikën e psikiatrisë me vendim të prokurorit është dërguar në mbajtje për 48 orë”, thuhet në raport.
E në Shtime, pas një mosmarrëveshje burri ka ushtruar dhunë ndaj gruas së tij.
Edhe në këtë rast i dyshuari është dërguar në mbajtje.
“Shtime– 13:00. Është arrestuar i dyshuari mashkull kosovar i cili për shkak të një mosmarrëveshje në shtëpi e kishte sulmuar fizikisht dhe kanosë verbalisht bashkëshorten e tij, viktimën femër kosovare. Me vendim të prokurorit i dyshuari pas intervistimit dërguar në mbajtje për 48 orë”, thuhet në raport./teve1.info
