Dhoma e Tregtisë dhe Industrisë në Kosovë ka mirëpritur heqjen e taksës doganore ndaj produkteve amerikane.
DhTIK ka thënë se i ka kërkuar qeverisë që të ndërmarrë hapat e nevojshëm duke kërkuar heqjen e tërësishme të taksës doganore, nisjen e menjëhershme të negociatave për marrëveshjen e tregtisë së lirë në Kosovë-ShBA.
“Që nga paralajmërimet e para të administratës amerikane, ne kemi ngritur zërin duke i kërkuar qeverisë që të ndërmarrë hapat e nevojshëm: Heqjen e tërësishme të taksës doganore, Nisjen e menjëhershme të negociatave për Marrëveshjen e Tregtisë së Lirë Kosovë-SHBA, Megjithatë, qeveria nuk lëvizi drejt këtij qëllimi. Ne vlerësojmë se heqja e kësaj takse dhe kthimi i marrëveshjes me MCC është një mundësi e mirë për rritjen e bashkëpunimit me SHBA, por nuk duhet të ndalemi me kaq, pasi dy vendet kanë hapësirë të madhe për rritje të bashkëpunimit”, thuhet në postimin e DhTIK./teve1.info/
