Dhoma origjinale e ndejës së shtëpisë së Ferdonije Qerkezit është lëvizur në Muzeun Etnologjik të Kosovës. Kështu ka bërë të ditur Ministria e Kulturës.
Sipas njoftimit thuhet se ekspozita do të jetë e hapur nga data 8 mars e deri më 22 mars.
Kurse autor i kësaj ekspozite thuhet se është Artan Korenica.
“Tavolina e shtëpisë së Ferdonije Qerkezit është e zbrazët tash e 24 vite. 8 marsin e këtij viti do ta presim në tavolinë bashkë me zonjën Ferdonije. Dhoma origjinale e ndejës së shtëpisë Qerkezi është lëvizur në Muzeun Etnologjik të Kosovës dhe do të pret musafirë nga 8 marsi deri më 22 mars.Burri dhe katër djemtë e Ferdonijes janë rrëmbyer me dhunë nga forcat serbe në vitin 1999. Eshtrat e dy djemve janë gjetur në vitin 2005, ndërsa eshtrat e burrit dhe dy djemve të tjerë nuk janë gjetur ende. Autor i ekspozitës: Artan Korenica”, thuhet në njoftim./teve1.info./
