Ai këtë e ka përmendur duke ju referuar Kushtetutës dhe Ligjit për Qeverisje Lokale.
Formimi i Asociacionit ka qenë kërkesë e vazhdueshme nga BE-ja. Ditë më parë përfaqësuesi i lartë i BE-së, Borrell bëri thirrje për formim sa më të shpejtë.
Edhe ShBA ka kërkuar që të formohet Asociacioni, por ata kanë thënë se Asociacioni nuk duhet të “jetë shtet brenda shtetit”. Një deklarim të tillë e ka dhënë ditë më parë i dërguari i dërguari i Posaçëm i Shteteve të Bashkuara për Ballkanin Perëndimor, Gabriel Escobar. Por kryeministri Kurti ka refuzuar formimin e këtij Asociacioni.
Këto janë dhjetë parimet e publikuara nga Besnik Tahiri.
1. Kushtetuta e vendit e garanton të drejtën e themelimit të asociacioneve;
2. Sistemi politik dhe qeverisës është njëshkallësh, në dy komuna ka përgjegjësi asimetrike (Graçanicë & Mitrovica e Veriut);
3. Ligji për Vetëqeverisje Lokale dhe ai për Bashkëpunim Ndërkomunal (BNK), rregullon në esencë mënyrën e bashkëpunimit në mes të komunave;
4. Legjislacioni për vetëqeverisje lokale garanton të drejta ekskluzive për komunitetet; ndërkaq ai për financa, të drejtën e financimit nga donacionet;
5. Për Asociacionin e Komunave me shumicë serbe ka një vendim kushtetues që reflekton qartë pikat që bien në kundërshtim dhe rrugën që duhet ndjekur;
6. Nevojitet qartësi e plotë për statutin e Asociacionit në linjë me rekomandimet e GJK-së;
7. S’duhet të ketë dykuptimësi, por qartësi milimetrike;
8. Asociacioni nuk mund të jetë strukturë mbi komunale; një etnike; duke rrezikuar karakterin multietnik të Kosovës;
9. Asociacioni nuk mund ta minojë rolin kushtetues në shtetin dhe sistemin politik e qeverisës në vend, nuk mund të ketë kompetenca ekzekutive;
10. Të punësuarit nuk mund të jenë shërbyes publikë, ngase atëherë kjo duhet të akomodohet si strukturë/nivel qeverisës./teve1.info/
