Pasditen e sotme në lagjen “Arbëria” të kryeqytetit, u ndërpre qarkullimi për vetura.
Nuk vonoi shumë e Policia e Kosovës pranon informacion se afër Ambasadës Amerikane në “Arbëri”, dyshohet për vendosje të mjeteve eksplozive.
Paraprakisht bllokohen hyrje-daljet e kryeyqytetit.
Më pas arrijnë edhe forca të shumta policore.
Përfshirë, njësia Speciale Operative, dhe njësia K9.
Kjo e fundit fillon kërkimet me qenë.
Më pas edhe me pajisje detektuese për eksploziv.
E që të vëzhgohet më lehtë gjatë edhe gjatë natës, përdoret metoda më e re për ndriçim.
Kjo ishte vetëm një simulim në raste emergjente, ballafaqim me kriza, ushtrim ky i përbashkët mes Ambasadës amerikane dhe Policisë së Kosovës.
I gjithë ushtrimi përfshiu edhe njësinë më elite, atë të Njësisë Speciale Intervenuese.
Ushtrimi gjithashtu përfshiu edhe kërkimin e personave të cilët mund të jenë me rrezikshmëri të lartë.
Njoftimin për ushtrim e lëshoi edhe Policia e Kosovës ku u bë e ditur se i njëjti ka nisur nga ora 15:00 dhe përfundon në ora 21:00.
Ngjashëm bënë të ditur edhe nga ambasada amerikane.
I gjithë ushtrimi u vëzhgua nga afër nga pjesëtarë të ambasadës Amerikane në Prishtinë.
