Autore: Adea Mustafaj
Njollat e gjakun ende vërehen.
E dera e këtij ashensori në këtë ndërtesë në rrugën “Sadik Bega” në Ferizaj ende është e hapur, teksa rreth liftit është shiriti i Policisë së Kosovës, pasi pikërisht këtu kishte ndodhur një aksident mëngjesin e së mërkurës.
Rastin e ka konfirmuar për Tëvë1 Policia në Ferizaj.
“Më datën 27.08.2025, rreth orës 09:20, kemi pranuar një informatë se në rrugën ‘Sadik Bega’ – Ferizaj, një person dyshohet se ka rënë në hapësirën e ashensorit, kati i katërt i një ndërtese kolektive. Njësitë policore menjëherë kanë dalë në vendngjarje, ku kanë arritur gjithashtu ekipi i Emergjencës dhe ai i Zjarrfikësve.”, thuhet nga Policia.
Nga QKMF në Ferizaj nuk kanë pranuar të flasin, por policia njofton se mjeku kujdestar që ka dalë në vendngjarje ka konstatuar se viktima ishte pa shenja jete.
Me vendim të prokurorit të shtetit, trupi i pajetë është dërguar në IML-Prishtinë për obduksion.
Ndërkaq, pas kamerave, një nga banorët u shpreh se dyshohet që gjatë ditës së djeshme kishte pasur ndërprerje të rrymës elektrike.
E në raste të tilla, sipas saj, dera e ashensorit mund të hapet pa qenë kabina aty. Pikërisht kjo dyshohet se ka ndodhur mengjesin e së mërkures ku i ndjeri nuk e ka vërejtur që kabina nuk është dhe ka rënë nga kati i katërt në përdhesë.
