Policia e Kosovë ka dhënë detaje sa i përket një plagosjeje që ka ndodhur mbrëmjen e së enjtes në Prishtinë, raporton teve.info
Sipas raportit 24-orësh të Policisë, të shtëna me armë zjarri ka pas në mes të katër personave, ku njëri ka pësuar lëndim trupor.
Sipas Policisë, dy të dyshuar janë arrestuar dhe me vendim të prokurorit janë liruar në procedurë të rregullt, ndërsa dy të tjerë gjenden në arrati.
“Rr. Bajram Bahtiri, Prishtinë 11.01.2024 – 20:17. Raportohet se ka pasur të shtëna me armë zjarri në mes katër të dyshuarve meshkuj kosovarë. Si pasojë, një i dyshuari është plagosur dhe është trajtuar në QKUK. Dy të dyshuar janë arrestuar dhe me vendim të prokurorit janë liruar në procedurë të rregullt, ndërsa dy të dyshuarit tjerë gjenden në arrati”, thuhet në komunikatë.
