Shiritat e sigurisë, iu vendosën të dielën një biznesi në Vushtrri.
E cak i Policisë së Kosovës, ishin edhe dy shtëpi të tjera në fshatin Ropicë.
Të gjitha këto, pronë e familjes Gërbeshi nga Vushtrria.
E në pranga, përfunduan edhe katër anëtarët e kësaj familje.
Këta po dyshohen për veprat penale të “posedimit të paautorizuar të armëve”, “shkaktim të rrezikut të përgjithshëm”, “detyrim”, “kanosje” dhe “lëndim të lehtw trupor”.
“Prokuroria Themelore në Mitrovicë në koordinim me Policinë e Kosovës, respektivisht Drejtorinë për Hetimin e Krimit të Organizuar dhe Krimeve të Rënda, ka bërë realizimin e urdhëresës së Gjykatës Themelore në Mitrovicë – dega Vushtrri për kontrollin e shtëpive të katër (4) personave të dyshuar, ku që nga orët e hershme të mëngjesit janë kontrolluar gjithsej tri (3) lokacione, dy (2) në fshatin Ropicë të Vushtrrisë dhe një (1) lokacioni në qytetin e Vushtrrisë”, thuhet nga Prokuroria Themelore e Mitrovicës.
Të arrestuarit në këtë aksion, janë A.G, Rr.G, E.G dhe K.G.
“Nga ky operacion policor janë arrestuar tre (3) persona lidhur me dyshimin e kryerjes së veprës penale “Detyrimi”, si dhe një (1) person i cili ka qenë në arrati për veprat penale “Lëndimi i lehtë trupor“ dhe “Arratisja e personave të privuar nga liria”, ka bërë të ditur Prokuroria
Tre të arrestuar pas intervistimit u dërguan në mbajtje për 48 orë.
Ndërsa për K.G, meqë kishte urdhër arresti nga Gjykata Themelore në Mitrovicë, ky iu dorëzua njësive policore në Vushtrri.
Tre të arrestuar pas intervistimit u dërguan në mbajtje për 48 orë.
Ndërsa për K.G, meqë kishte urdhër arrest nga Gjykata Themelore në Mitrovicë, ky iu dorëzua njësive policore në Vushtrri.
Ndryshe, javë më parë familja Gërbëshi kishte probleme pronësore me Liridon Osmanin.
Ky i fundit deklaroi se u sulmua fizikisht dhe se ndjehet i rrezikuar nga veprimet e pjesëtarëve të kësaj familje.
