I ftuar në emisionin “Info Nata” në Tëvë 1, Deskaj thotë se gjatë gjithë kohës, në këtë proces Bashkimi Evropian nuk ka ndëshkuar fare Serbinë.
Sipas tij, ka pasur alternativa për ndëshkimin e saj, si p.sh rruga drejt BE, duke i nxjerrë kështu kritere shtesë Serbisë.
“Në fakt tash neve mund të tingëllojmë subjektiv por jemi të vetëdijshëm që kur them se BE nuk ka përdorë ndonjë masë ndëshkuese thjeshtë nëse s’ka mekanizëm obligativ ka mundur të përdor masa tjera ndëshkuese si p.sh rruga drejt BE-së, të nxjerrë kritere shtesë për Serbinë. Është bërë e kundërta. Nuk isha lëshu në sekuenca të veçanta dhe në emra të vecantë të njerëzve që i kanë prirë procesit të Brukselit, por në çdo etapë pa marrë parasysh kush ka qenë në krye dhe në rolin e ndërmjetësuesit kemi pasur lëshime dhe defekte të tilla që shpresojmë që në të ardhmen do të unifikohen”, tha ai.
Tutje, ish-diplomati kosovar në Bullgari thotë se e veçanta apo e përbashkëta e secilit delegacion që ka përfaqësuar Kosovën në dialog, ka qenë kërkesa që Shtetet e Bashkuara të Amerikës të jenë pjesë e këtij procesi.
“Mos të tingëllojë si klishe, secili delegacion që është pikë e përbashkët i të gjitha delegacioneve, Qeverive të ndryshme është insistimi për pjesëmarrje i SHBA-së në dialog që për ne është treguar si garanci dhe partner i padiskutueshëm në secilën etapë. Nuk ka ndonjë nivel të paqes apo ndërtimit të shtetësisë ku SHBA nuk kanë qenë prezent dhe të gjitha qeveritë dhe të gjitha garniturat e deritanishme kanë insistuar që SHBA të jetë pjesë e dialogut”, shtoi ai./teve1.info/
