Ndaj Dardan Molliqaj, gjykatësja deklaroi se mbetet në fuqi urdhër arresti, që i njëjti të sillet në çdo formë në gjykatë. E një vendim i njëjtë, u mor edhe ndaj të pandehurit tjetër, Faton Sahitaj, raporton Teve1.info
Ndërkaq, i pranishëm në seancën e së mërkurës nuk ishte as Haki Abazi, i cili një ditë më parë kishte njoftuar Gjykatën se nuk mund të vijë për shkak se ndodhet jashtë vendit, me detyrë zyrtare.
Sipas aktakuzës së ngritur më 18 shkurt 2020 nga Prokuroria Themelore në Prishtinë të pandehurit Dardan Molliqaj dhe Fatos Sahiti akuzohen se në bashkëkryerje kanë kryer veprën penale “Sulmi”, nga neni 184 paragrafi 1 lidhur me nenin 31 të Kodit Penal të Republikës së Kosovës, vepër kjo e dënueshme me gjobë ose me burgim deri në një (1) vit.
Tutje, në aktakuzë thuhet se i pandehuri Molliqaj bashkë më Sahitaj, me dashje, duke e përdorë forcën e sulmon të dëmtuarin Haki Abazi në atë mënyrë që fillimisht e ka kapur për duar e më pas e godet me grusht në fytyrë dhe shqelma ne këmbë. /teve1.info/
