Në Gjykatën Themelore në Prishtinë ka dështuar nisja e seancës fillestare ndaj dy të akuzuarve për spiunazh, Bedri Shabani e Muharrem Qerimi.
Arsyeja e dështimit ka qenë mungesa në seancë e palës mbrojtëse të të akuzuarit, Bedri Shabani.
Gjykatësi i rastit, Rrahman Beqiri, bëri të ditur se gjykata ka pranuar një parashtresë nga avokati Berisha, i cili ka njoftuar se nuk mund të jetë prezent në seancën e sotme pasi që është i angazhuar në një rast të vrasjes së rëndë në Gjakovë, seancë e cila është caktuar më herët.
“Me të njëjtën parashtesë, ky avokat ka kërkuar nga gjykata që ta shtyjë seancën e datës 25.09.2025 për shkak se ka planifikuar një udhëtim jashtë Kosovës për këtë datë”, shtoi gjykatësi Beqiri.
Lidhur me këtë çështje, gjykatësi Beqiri, pyeti të akuzuarin Shabani nëse dëshiron të përfaqësohet nga një avokat tjetër, mirëpo i akuzuari tha se avokatin Berisha nuk e ndërron deri në përfundim të shqyrtimit gjyqësor.
