Në rend dite ishim 15 pika.
Më e rëndësishmja nga to, ajo për rikthimin ose jo në punë të gjyqtarëve serbë, të dorëhequr kolektivisht në vitin 2022.
Megjithatë, mbledhja e Këshillit Gjyqësor të Kosovës dështoi.
Shkak u bë largimi i disa anëtarëve gjatë diskutimeve.
Anwtari i KGJK-së, Bashkim Hyseni tha se kjo duhet tw ishte pika e parw e rendit tw ditws.
“Do të duhej të ishte pika e parë e rendit të ditës, meqenëse prej dorëheqjes së tyre këta janë mbajtur në sistem pa ndonjë bazë kushtetuese dhe ligjore dhe KGJK si institucion është dashur të vendos që moti këtë çështje dhe të mos jetë sot objekt. Mirëpo pse nuk është bërë kjo ndoshta ju e dini si kryesues. Mendoj se është diçka e pazakonshme por njëkohësisht edhe jashtë çdo afati të arsyeshëm. Mund të ndodh që dorëheqja të revokohet sa është e freskët jo pas katër viteve. Krijon destabilitet dhe cenon parimin e sigurisë juridike”, ka deklaruar Bashkim Hyseni.
Hysenit iu përgjigj kryesuesi Rrustem Thaqi.
“Nuk mund të më mbash përgjegjës, nuk kam obligim as përgjigje me të dhënë, ti do të merresh vëmendje, nuk është korrekte nga ana juaj. Mund të ju pyes se prej që jeni zgjedhuar anëtarë këshilli cilat kanë qenë kërkesat tuaja. Mos të keqpërdorim pozicionin në prani të publikut”, tha Thaqi derisa kundwrprgjigja e Hysenit ishte e menjëhershme.
Para mbledhjes së KGJK-së, ushtruesja e detyrës së Presidentes, Albulena Haxhiu, vlerësoi se gjyqtarët e dorëhequr serbë nuk duhet të rikthehen në punë.
“Edhe gjatë kohës sa ata kanë qenë prokurorë e gjyqtarë janë paguar nga Serbia. Lojaliteti i treguar për Serbinë është shpërblyer edhe me mjete financiare në kohën kur është pritur që të njëjtit të ushtrojnë mandatin e tyre në dobi të qytetarëve”, tha Haxhiu.
Ajo theksoi se një situatë e tillë nuk do të ishte e pranueshme në asnjë shtet demokratik.
“Kemi gjyqtarë dhe prokurorë që i binden urdhrave të një shteti tjetër, në këtë rast të Serbisë! Kush nga partnerët tanë ndërkombëtarë do të lejonte që në shtetet e tyre të kishte gjyqtarë dhe prokurorë që dirigjohen nga një shtet tjetër?”, vlerësoi Albulena Haxhiu.
Rikthimin në punë e kundërshtoi edhe kryeministri në detyrë, Albin Kurti.
“Qysh atëherë e kemi thënë dhe u kemi bërë thirrje të gjithë serbëve në institucione mos i braktisni ato, mos jepni dorëheqje, mos shkoni. Por, nuk e kemi thënë e as nuk kemi të drejtë të themi kthehuni. Kishim të drejtë etike të ju themi mos shkoni, por nuk kemi të drejtë kushtuese e ligjore tu themi kthehuni”, pohoi Kurti.
Qëndrimin e Haxhiut, e mbështet edhe ish-kryetari i Gjykatës së Apelit, Hasan Shala, i cili thotë se nuk ka bazë ligjore për kthimin e gjyqtarëve dhe prokurorëve në punë.
“Nëse dominon ligji, nuk ka mundësi të kthehen ata, për shkak se asnjë ligj dhe as Kushtetuta nuk mund t’i kthejë në punë pas dorëheqjes që e kanë dhënë katër vite më parë”, pohoi Shala.
Më 21 korrik, pas vendimit të Këshillit Prokurorial, ushtruesja e detyrës së Presidentes, Albulena Haxhiu, dekretoi lirimin nga detyra të shtatë prokurorëve serbë, të cilët dhanë dorëheqje kolektive.
Bashkimi Evropian ka kritikuar këtë veprim të Kosovës.
Brenda pak orësh, i gjithë mundi i punës u shkoi dëm shumë bujqve gjithandej Kosovës. Që të gjithë shpresën e kanë tek ndihma qeveritare. Megjithatë, shumë nga ta ankohen se akoma nuk i kanë marrë kompensimet nga dëmet e shkaktuara në vitet e kaluara.
