Pas diskutimeve të gjata të deputetëve komisioni hetimor për menaxhimin e krizës energjetike i propozuar nga opozita ka dështuar të themelohet.
Megjithëse pati një kërkesë të kryetarit të Kuvendit që mazhoranca e opozita të bëjnë hapa para, derisa tregoi edhe interpretimin e Zyrës Ligjore.
Vetëvendosje nuk pranoi ta votojë me ç’rast nuk propozoi as anëtarët për komisionin.
Mirëpo, as PDK, LDK e AAK nuk votuan fare për komisionin të cilin vet e propozuan.
Me këtë rezultat u shpreh i habitur edhe vet Konjufca.
Për këtë komision debati u karakterizua me përplasje midis opozitës e pushtetit.
Kjo e fundit nuk pranonte komision tjetër përveç atij që do të hetonte nga viti 2006 e tutje.
Ndërsa opozita nuk tërhiqej nga kërkesa që komisioni të formohej bazuar në propozimin e saj.
Seanca e së enjtes mbeti për t’u vazhduar në një ditë tjetër, derisa mosforimi i komisionit në fjalë bëri që opozita t’i bojkotojë punimet e Kuvendit deri më tash.
Raporti i gazetares Flaka Zogu.
