Është duke vazhduar edhe sot dëgjimi i dëshmitarëve të Prokurorisë në Dhomat e Specializuara në Hagë, përcjell teve1.info
Mbrojtja e ish-presidentit të Kosovës, Hashim Thaçi, po vazhdon marrjen në pyetje të dëshmitares së parë në rastin ndaj Thaçit dhe ish-drejtuesve tjerë të UÇK-së.
Dëshmitarja e parë po merret në pyetje në një seancë të mbyllur për publikun.
Edhe në seancën e djeshme, dëshimtarja e parë ka dëshmuar në seancë private.
Hashim Thaçi, Kadri Veseli, Rexhep Selimi dhe Jakup Krasniqi po qëndrojnë në paraburgim në Hagë prej nëntorit të vitit 2020.
Ata po akuzohen nga Zyra e Prokurorit të Specializuar me akuza për krime kundër njerëzimit, si përndjekje, burgosje, akte çnjerëzore, torturë, zhdukje dhe vrasje, si dhe me 4 pika për krime lufte si arrestim, ndalim arbitrar, torturë dhe vrasje të paligjshme. /Teve1.info/
