Dëshmitari Mehdi Gashi u përball përsëri në Gjykatën Themelore në Departamentin Special, me të akuzuarin për krime lufte SladjanTrajkoviç.
Të enjten ai ka vazhduar dëshminë e tij për ditën kritike të 14 prillit 1999, kur theksoi se Zoran Bogoviq ia kishte vrarë babanë pasi kishte shtënë me armë në drejtim të tij.
Dëshmitari Gashi ka thënë se atë ditë kishin ardhur 4 persona në shtëpinë e tij, derisa ka demonstruar edhe në gjykatore si ka ndodhur rasti.
Gjatë marrjes në pyetje nga mbrojtësi DejanVasiq, ky i fundit vazhdimisht përsëriste pyetjet e njëjta për dëshmitarin.
Meqë pyetjet ishin të përsëritura, gjyqtari disa prej tyre nuk ia lejoi, e si pasojë e kësaj avokati Vasiq u revoltua, ndaj gjyqtari ia tërheku vërejtjen.
Pas përfundimit të marrjes në pyetje nga ana e avokatit, edhe i akuzuari Trajkovic pati pyetje për dëshmitarin Gashi.
Me kërkesë të mbrojtjes së Trajkovic, Mehdi Gashit iu prezantua një fotografi me disa persona e që ky i fundit e identifikoi SladjanTrajkovicin, njësoj sikur kishte bërë edhe gjatë dëshmisë në Prokurori.
Mehdi Gashi ia ka treguar një fotografi të babait të tij Trajkovicit, por ky i fundit ka thënë se nuk e njeh.
Kronika e realizuar nga gazetarja Gresa Bardhecaj
